Tery Darr pr | تیرے در پر

October 10, 2020 the Poetic Journal Ghazal, Urdu Poetry 6

Lady Anderson Fawara Block

تیرے در پر اپنا دلِ بیمار لیے بیٹھا ہوں
شوقِ دیدار میں چشمِ انتظار لیے بیٹھا ہوں

جانے کیسے اُس کا دل لگ گیا ہے اس جہاں میں
میں تو سینے میں دلِ بیزار لیے بیٹھا ہوں

یہ تو بس اِک قلم ہے میری جاں جو لکھتا ہے!!
میں کب اپنے ہاتھوں میں ہتھیار لیے بیٹھا ہوں

اُس کی تصویریں پُرانی اور یادیں بھی ساری!
اپنی مرمت کے سب اوزار لیے بیٹھا ہوں

سب سمجھتے ہیں کہ کوئی روگ لگا ہو مجھ کو
پر میں تو تیری محبت کے اثمار لیے بیٹھا ہوں

لب ایسے ہیں کہ ہلتے ہی نہیں شکایت کو اور
دل میں شکووں کی اِک بھرمار لیے بیٹھا ہوں

شاید کسی سُرخی میں حدیؔد مجھے وہ مِل جائے
زندان میں ہوں، ہاتھوں میں اخبار لیے بیٹھا ہوں

حدیؔد فاطمہ~

Post Views: 1,869

6 Comments

Comments are closed.