وہ میرے غم میں کبھی اس طرح نڈھال نہ تھا Wo mairay gum mai kabhi is trah nidhal na tha

وہ میرے غم میں کبھی اس طرح نڈھال نہ تھا

وہ میرے غم میں کبھی اس طرح نڈھال نہ تھا
بچھڑ کے مجھ سےرہےخوش یہ احتمال نہ تھا

خیال تھا کہ یہ زندگی حسیں ہوگی
تیرے خیال سے نکلیں گے یہ خیال نہ تھا

ہمیں تو راس محبت ذرا نہیں آئی
یہ درد دل،یہ اذیت ،یہ پہلے حال نہ تھا

یہ روزگار کا غم لے گیا کہاں سے کہاں
یوں تیرے شہر سےجانا بھی کیا کمال نہ تھا؟

گلاب ہجر میں سارے لہو نچوڑتے ہیں
وگرنہ پہلے پہل رنگ ان کا لال نہ تھا

حوس کو نام محبت کا دے رہے ہیں لوگ
محبتوں پہ کبھی ایسا تو زوال نہ تھا

ہزار چاہنے والےتھے گر تو لاکھ دشمن تھے
وہ خوش سخن تھامگرہائےخوش خصال نہ تھا

فہیم طارق